दो:- मीठो है नमकीन है बाबा चरपरो थोड़ो खाटो
सोने की थाली में परोस्यो ढाल चांदी रो पाटो
टाबरिया मनोहार करे बाबा देखूं थे कहीया नाटो
भोग लगाओ श्याम धणी के, बाकि भक्ता ने बांटो
आओ आओ सावरिया बेगा आओ, जीमो जी भोग लगाओ,
है छप्पन भोग तैयार जी, थारा टाबरिया करे मनुहार जी,
केसरिया बरफी कलाकंद रबड़ी पैड़ा इमरती बालूशाही,
लाडू बूँदिया जलेबी रसगुल्ला गाजर पाक रसमलाई,
गुलाब जामुन शकरपारा घेवर न्यारा न्यारा,
जी मे आवे तो थोडो और घलावो,
जीमो जी भोग लगाओ
है छप्पन भोग तैयार जी,
तारा टाबरिया करे मनुहार जी...
दाल मोठ पकोड़ी कचोरी भुजिया पापड़ चिवड़ो
कढ़ी राबड़ी साग सांगरी को बाजरे को बाबा खीचड़ो,
रायता में जीरा को तडको, पीओ मार सबडको,
सागे काचरे की चटनी चटाओ
जीमो जी भोग लाओ,
है छप्पन भोग तैयार जी,
थारा टाबरिया करे मनुहार जी
काजू किसमीस नोजा खुरमानी खोपरा छुंवारा बादाम लेओ,
जीम चूट और आचमन करके फिर थोडो आराम लेवो,
सौंफ ईलायची हाजीर कर दी सागे मिशरी धर दी,
सोई नागरिया रो पान चवाबो
जिमो जी भोग लगाओ,
है छप्पन भोग तैयार जी,
थारा टाबरिया करे मनुहार जी
आम अमरूद अंगूर अनानास आलू बुखारा अनार धरया
केला सेब पपीता चिकू संतरा मौसम्बी रसधार भरया,
काकड़िया रे लाल मतिरा और टमाटर खीरा
नींबू खाटो थे थोड़ो छिडकाओ
जिमो जी भोग लगाओ,
है छप्पन भोग तैयार जी,
थारा टाबरिया करे मनुहार जी
छप्पन भोग परोसया थाने भगता
श्याम धनी स्वीकार करो,
सरल बावलो महिमा गावे
अन्न धन्न से भंडार भरो,
लिला थारी सब जाग जानी
थे हो शीश का दानी,
बिगड़ी लख्खा की थे ही तो बनाओ
जिमो जी भोग लगाओ,
है छप्पन भोग तैयार जी,
थारा टाबरिया करे मनुहार जी
आओ आओ सावरिया बेगा आओ, जीमो जी भोग लगाओ,
है छप्पन भोग तैयार जी, थारा टाबरिया करे मनुहार जी