बाबा खम्मा घणी, हो थाने पीरा खम्मा घणी
मगरे रो मोरियो बोलयो रे बाबा खम्मा घणी
हो हो पीरा खम्मा घणी
रामदेव जी राजा थारो ऊँचो रे गढ़ रुणिचो,ऊँचो रे गढ़ रुणिचो
ऊची जय जय कार लगातो मोरुडो बोले मिठो, मोरुडो बोले मिठो,
चांदनी चौवदसने बोल्यो,भादूडेरी दूजने, बाबे री दशम ने बोल्योरे
बाबा खम्मा घणी ,,,,,,,,,,,,,,,,,,,,,,
पचरंग ने जो अमर फरूके अगर चंदन रो देवरो, अगर चंद्न रो देवरो
भीड़ देख भक्ता री मोरियो नाच्यो रे आयो मेलो, नाच्यो रे आयो मेलो
भगत भावरे रंग में बोल्यो, पैदलया रे संग में, भगता री भीड़ में बोल्यो रे, बाबा खम्मा घणी,,,,,,,,,,,,,,,,,,,,
भादूडे रो मेलो बाबा रुनझुन करतो आयो रे,रुनझुन करतो आयो रे
रुणिचे रा मंदिर माई मोरुडो हरखायो रे,मोरुडो हरखायो रे
राम सरोवर पाल बोल्यो, बोल्यो हरिए जाल में, धोली धजा रे ऊपर बोल्यो रे, बाबा खम्मा घणी,,,,,,,,,,,,,,,,,,,,
बाबा खम्मा घणी, हो थाने पीरा खम्मा घणी
बाबा खम्मा घणी, हो थाने पीरा खम्मा घणी
मगरे रो मोरियो बोलियो रे बाबा खम्मा घणी
हो हो पीरा खम्मा घणी
रचीयता नवदीप बीकानेरी
संकलन कर्ता पवन लाहोटी