थे दो करोड़ दे दो

 तर्ज‌:- आए हो मेरी जिंदगी में बहार बनके 

हे रुणिचे रा राजा थाने घणी रे घणी खम्मा 

हे मेणा देरा लाला थाने घणी ये घणी खम्मा 

थे दो करोड़ दे दो हाय 

दे दो करोड़ दे दो, बाकी रा राखो जम्मा, हे रुणिचे रा राजा ,,,,,,,

पर्चा देवो लोगाने, थे खर्चा देवो माने 

इक इक में चाह बणावा, हर काम करनो थाने 

थारे भरोसे रेवा, में साल भर निकम्मा 

थे दो करोड़ दे दो ,,,,,,,,,,,,,,,,,

थे छप्पर फाड़ देवो, और देवता ही रहवो 

मारे घर मे बेठा रहवो, थे लक्ष्मी जी ने कहवो

 रुपया सू राजी पापा, और  टाबरा री अम्मा 

थे दो करोड़ दे दो,,,,,,,,,,,,,,,,,,,,,,, 

हर चीज रा थे धाता, मैं क्यों दुखाऊं माथा

माथे पे हाथ रख दो, भक्ता रा खुंजा भर दो 

रुपया सुं बाजे घर में, आ छम छम्मा छम छम्मा 

थे दो करोड़ दे दो बाकी रा राखो  जम्मा 

हे रुणिचे रा राजा थाने घणी रे घणी खम्मा 

हे मेणा देरा लाला थाने घणी ये घणी खम्मा