चालो देश में भाहिला थाने माटी बुलावे रे क,चालो देश में
माटी बुलावे रे भाई थाने भूमि बुलावे रे चालो देश में,,,,,,,,,,,,
शहर बिकानों लागे प्यारो लक्ष्मीनाथ जी सेठ रो
नागणेची मंदिर माई
नागणेची मंदिर माई मैया बुलावे रे, चालो देश में ,,,,,,,,,,,,,,
रामजी करेला ना तो श्याम जी करेला
तेरों सारो काम
तेरों सारो काम हनुमान करे, चालो देश में,,,,,,,,,,,,
सज धज बैठो भेरु बाबो कोडाने रे मायने
पकड़ पाव बाबे रा जाकर
पकड़ पाव बाबे रा जाकर, काम बनावे रे चालों देश में,,,,,,,,,
काला धोला काबा नाचे करणी जी रे मंदिर में
देशनोक धनियानी थारी
देशनोक धनियानी थारी, बाट उड़ीक रें चालो देश में,,,,,,,,,
कोलायत री तपोभूमि में कपिल मुनि विराजे रे
कपिल सरोवर नाया काया
कपिल सरोवर नाया काया कंचन होवरे चालो देश में,,,,,,,,,,,
जांभोजी री नोखा मंडी स्वर्गआशु आ प्यारी है
पवन लाहोटी बाट उडीके
पवन लाहोटी बाट उडीके सगला आईज्यौ रे चालो देश में,,,,,,,,,,,
चालो देश में भाहिला थाने माटी बुलावे रे क,चालो देश में
माटी बुलावे रे भाई थाने भूमि बुलावे रे चालो देश में,,,,,,,,,,,
रचियता- पवन लाहोटी